De Ollaersten

Da Kini

Grias eich beim Verein zur Erhaltung der niederbayerischen Kultur e.V. (VENK e.V.)

Freiheit fia Niedabayern und Südtirol !!!

 Servus ,

eigfoin is uns de ganze Gaude am 16.08.2008 umara hoibe viere in da friah. Do wan ma olle inara Hüttn in Norweng gsessn und ham uns voi weggschütt. Weil ois aus war is Wodka mit Magnesium Brausetablettn gsuffa worn. ( Den Scheiß hod da Barns dabei ghabt.) Des hod guad einekaut. Wir hom na über den verfoi unserer Niedaborischen Kultur und Dorfgmeinschaft gschmatzt und ausgmacht das ma do wos dageng dan, und an Varein aufmachan der wos do dageng hoid. Da Nam VENK stäht für die Erhoitung und Fördarung der kulturellen und traditionellen Braich unsara Hormat. Innahoib unsara Gmoa soi der Varein fia jung und oid gleich Spass und Freid bringa wen ma uns olle für Braich ,Festl und an guaden Zweck eisetzn. Noch einign sche feichtn und langa Sitzunga sowia den ganzn rechtlichn Scheiß wars na im Dezemba 2009 soweit das ma mim VENK.eV ins Vareinsregista eidrong worn san. Üba Ideen und guade Einfoi von außerhoib gfrein wir uns imma. Wer mera über unsan Varein wissen wui kon se do umschaun oda einfach bei uns frong. Freileng kents a bei uns dazuageh über neie gfrein mir uns scho. Wos do dazua  wissn miasts steht en unsara Satzung de kints do nochlesn.